RSS

ಮತ್ತೆ ಅಳಬಾರದು

rain

ಮರುಭೂಮಿಯ ಉರಿಬಿಸಿಲಲ್ಲಿ
ಸುಡುತ್ತಿವೆ ಬೆತ್ತಲೆ ಪಾದಗಳು
ನೆರಳನ್ನರಸಿ ಹೊರಟಿದ್ದೇನೆ
ಕಾಲಿನ ಬೊಬ್ಬೆಗಳನ್ನು ಲೆಕ್ಕಿಸದೆ,
ಅಳಬಾರದೆಂಬ ನಿಶ್ಚಯದೊಡನೆ .

ಬರಡು ನೆಲದ ಮೇಲೆ ಬಿರುಗಾಳಿಯಬ್ಬರ
ಧೂಳಿನಬ್ಬರಕ್ಕೆ ಮುಚ್ಚಿವೆ ಎರಡೂ ಕಣ್ಣುಗಳು
ಗುರಿ ಅಸ್ಪಷ್ಟ, ಆದರೂ ಭರವಸೆ,
ಮುಂದೆ ಸಾಗುತ್ತಿದೆ ಪಯಣ
ಅಳಬಾರದೆಂಬ ನಿಶ್ಚಯದೊಡನೆ.

ಕಾನನದ ನಡುವೆ ಕಾರ್ಗತ್ತಲು
ಜೊತೆ, ಮುಂದೇನಾಗುವುದೋ ಎಂಬ ಭಯ,
ಹೆಜ್ಜೆ ಹೊರಳಿದ್ದೇ ದಾರಿ?
ಮಿನುಗು ಹುಳಗಳ ಬೆಳಕಿನಾಶ್ರಯದಲ್ಲಿ,
ಮತ್ತೆ ಅಳಬಾರದೆಂಬ ನಿಶ್ಚಯದೊಡನೆ.

ಝರಿ ತೊರೆಗಳ ಹಾದಿಯಲ್ಲಿ
ಏರು ತಗ್ಗುಗಳ ಅಡೆತಡೆಯಲ್ಲಿ,
ಮುಳ್ಳು ಗೀರಿನ ಗಾಯಕೆ
ಹಸಿ ಸೊಪ್ಪಿನ ರಸವ ಲೇಪಿಸಿ,
ಮತ್ತೆ ಅಳಬಾರದೆಂಬ ನಿಶ್ಚಯದೊಡನೆ ..

ಇಳಿಸಂಜೆಯ ಹೊತ್ತಲ್ಲಿ,
ಸಮುದ್ರ ತೀರದ ಬಿಸಿ ಬೀಸುಗಾಳಿಗೆ
ಮುಖವೊಡ್ಡಿ ನಿಂತಿದ್ದೇನೆ
ಕಣ್ಣೀರು ಆರಲೆಂದು,
ಮತ್ತೆ ಅಳಬಾರದೆಂಬ ನಿಶ್ಚಯದೊಡನೆ.

ಜಡಿಮಳೆಗೆ ಮಯ್ಯೊಡ್ಡಿ
ಮಳೆಹನಿಗಳ ಜೊತೆಗೆ ಮತ್ತೆರಡು ಕಂಬನಿಗಳ ಸೇರಿಸಿ
ಗಮ್ಯದತ್ತ ಭಾರವಾದ ಹೆಜ್ಜೆಗಳನ್ನಿಟ್ಟು ಸಾಗುತ್ತಿದ್ದೇನೆ,
ಮತ್ತೆ ಅಳಲೇ ಬಾರದು,
ಅತ್ತರೂ ಇನ್ನಾರೂ ನೋಡಲೇ ಬಾರದು ಎನ್ನುವ ನಿಶ್ಚಯದೊಡನೆ ..!!

 
2 ಟಿಪ್ಪಣಿಗಳು

Posted by on ಫೆಬ್ರವರಿ 20, 2013 in ಭಾವ ಲಹರಿ

 

ಟ್ಯಾಗ್ ಗಳು: ,

ಹನಿಗವನ ?

ಕನಸು (ಹೀಗೆ ಸುಮ್ಮನೆ)
***      ***      ***
ಕನಸು ಬಣ್ಣದ ಚಿಟ್ಟೆ
ಮನಸು ನಿನ್ನಲಿ ನೆಟ್ಟೆ
ದಿವಿಯು ಬೆಳಗುವ ಮೊದಲೇ
ಬದುಕು ಮೂರಾಬಟ್ಟೆ !!

ಅಗಲಿಕೆ
***      ***      ***
ನೀನಿರದ ಬದುಕು
ಎಣ್ಣೆಯಿಲ್ಲದ ದೀಪ,
ನೀನಿರದ ಹಗಲು
ಬಂಜರು ಬಯಲು,
ನೀನಿರದ ಇಳೆಯಲ್ಲಿ
ಇರಬಹುದೇ ಕಳೆ?,
ನಿನ್ನ ನೆನಪ ಕಣ್ಣೀರಲ್ಲೇ
ತೊಯ್ದಿದೆ ಇಳೆ .

ದಿನಗೂಲಿ
***      ***      ***
ಜಾಣ ಎನಿಸಿಕೊಳುವ ತವಕದಲ್ಲಿ
ಮಣ ಭಾರದ ಚೀಲ ಹೊತ್ತು
ಹೋಗುತಿದ್ದೆ ನಾನಂದು ಸ್ಕೂಲಿಗೆ,
ತೊತ್ತ ಚೀಲ ತುಂಬಲೆಂದು
ಭಾರವಾದ ಮಾನವ ಹೊತ್ತು
ಹೋಗುತಿರುವೆ ನಾನಿಂದು ಕೂಲಿಗೆ!!

 

ಮತ್ತೆ ಮತ್ತೆ ಕಾಡಿದವಳು

Image

ನಿನ್ನೆ ಸಂಜೆಯ ಚಳಿಯಲ್ಲಿ ಆಕೆಯ ನೆನಪು ಕಾಡಿದ್ದು ಹೀಗೆ……..

ನಸುಗತ್ತಲಾ ಈ ಸಂಜೆಯಲ್ಲಿ
ಮನಸಿಗೂ ಇಂದೇಕೋ ಚಳಿ,
ಇರಬಾರದಿತ್ತೇ ನೀನೀಗ
ಇಲ್ಲಿ,  ನನ್ನ ಬಳಿ !!

ಕೆಂಬಣ್ಣ ಬಾನಿನಲಿ
ಕಾಣುವುದದೋ ನಿನ್ನ ನೋಟ.
ನೀನೆರೆದು ಹೋದ ಪ್ರೆಮಜಲದಲ್ಲೇ
ಬೆಳೆದು ನಿಂತಿದೆ ನೋಡು ಹೃದಯ ತೋಟ !!

ಬೆಳ್ಳಿ ಚಂದ್ರಮ ಈಗ
ಅಡಗಿ ಕುಳಿತಿಹ ನೋಡು ನಿನ್ನ ನೋಡಿ,
ಶಶಿಗೂ ಮತ್ತೆರಿಸಿರಬಹುದೇ
ನಿನ್ನ ನಗುಮುಖದ ಮೋಡಿ ??

ಕೆಂದಾವರೆಯಂತೆ ಸದಾ
ಅರಳಿರಲು ನಿನ್ನ ಮುಖವು,
ಮತ್ತೆ ಇನ್ನೇನಿದೆ ನನಗೆ
ಬೇರೆ ಸುಖವು ??

 
4 ಟಿಪ್ಪಣಿಗಳು

Posted by on ಜನವರಿ 8, 2013 in ಭಾವ ಲಹರಿ

 

ಜೀವನ(ದಿ)

DSC02962

ಜೀವನವಿದು ಏಳು ಬೀಳುಗಳ ಹಾದಿ,        
ಬೀಳುವುದೇ ಜಾಸ್ತಿ, ಏಳುವುದು ಕಡಿಮೆ.

ಜೀವನವಿದು ಕಲ್ಲು ಮುಳ್ಳುಗಳ ಹಾದಿ
ಕಲ್ಲೆಸೆಯುವವರೇ ಎಲ್ಲ,
ತೆರವುಗೊಳಿಸುವವರಿಲ್ಲ.

ಬದುಕು ನಿರಂತರ ಪಯಣ,
ಚುಚ್ಚುವುದು ಬರಿಗಳ ನಡಿಗೆಯಲಿ ಮುಳ್ಳು,
ಸಂಭಂದಿಗಳೆಂಬ ನಾಟಕಕಾರರು,
ಕಾಳಿಲ್ಲ ಇಲ್ಲಿ, ಎಲ್ಲವೂ ಜೊಳ್ಳು !!

ಬದುಕು ಅನವರತ ಸತ್ಯದ ಹುಡುಕಾಟ,
ಅನಂತತೆಯೆಡೆಗಿನ ಪಯಣ ನಿಲ್ಲುವವರೆಗೂ ಬರಿ ಕಾದಾಟ.

ಬದುಕು ನಿಂತ ನೀರಲ್ಲ,
ನಿಜ,
ಆದರೆ ಹರಿವ ನೀರಿಗೂ ಅಡೆತಡೆಗಳು ಉಂಟಲ್ಲ..!
ಕೆಲವು ಸ್ವಯಂಭೂತ,
ಹಲವು ಸ್ವಯಂಕೃತ.

ಎಲ್ಲವುಗಳ ನಡುವೆಯೇ ಈ ಜೀವನ ಸಾಗಬೇಕು.
ನೆಮ್ಮದಿಯ ಹೊರತು ಈ ಬದುಕಲ್ಲಿ ಇನ್ನೇನು ಬೇಕು?  

 

(ಕು)ಚುಟುಕುಗಳು

@ಮಾರಾಟದ ಸರಕು@
ಮನೆಯೊಳಗೆ ನಡೆಯುತ್ತಿತ್ತು
ಮಾರಾಮಾರಿ,
ಶಾಂತಿ ಸ್ಪೂರ್ತಿಯೂ ಬಂತು
ಅವಳನ್ನು ಮಾರಿ !!

        ***
@ಭೂಕಂಪ @
ದಿನವೂ ತೊಪತೊಪನೆ ಉದುರುವ
ಪಾತ್ರೆಗಳ ಸದ್ದಿನೊಡನೆ
ರಾಜಿ ಮಾಡಿಕೊಂಡಾತನಿಗೆ
ಭೂಕಂಪ ಮಹದೆನಿಸಲೇ ಇಲ್ಲ !!
         
         ***

 

ಭಾವ ಸ್ಫುರಣ

ಅತ್ತಿಲ್ಲ ಕರೆದಿಲ್ಲ                                                    
ಕೈಹಿಡಿದು ನಡೆದಿಲ್ಲ                           
ಆದರೂ ಮನದಲಿ
ಉದಿಸಿತೊಂದು ನವಿರಾದ ಪ್ರೀತಿ.

ಕಣ್ಣೋಟ ಬೆರೆತಲ್ಲೇ
ಉದಿಸಿದ ಪ್ರೇಮಕ್ಕೆ
ಇಂದೇಕೆ ಅವರಿವರ ಭೀತಿ ?

ಈ ಪ್ರೇಮ ಸಂಭಂಧ
ಅನುರಾಗ ಅನುಬಂಧ
ಅದುವೇ ಈ ಜಗದ ನೀತಿ.

ಇರುವೆ ನಾ ಜೊತೆಯಲ್ಲಿ,
ಈ ಬಾಳ ಪಯಣದಲಿ
ಕೇಳು,
ಓ ನನ್ನ ಸಂಗಾತಿ .

 

ಅವಳ ಜೊತೆಗಿನ ಕ್ಷಣಗಳು

ಬಿಟ್ಟಗಲದಿರು ಗೆಳತಿ
ಜಗದೊಳು ನಾನೋರ್ವ ಒಂಟಿ
ಕಳೆದಿರುವೆ ಅದೆಷ್ಟೋ ಹಗಲಿರುಳು
ಹುಡುಕುತ್ತ ಈ ಮನಕೊಂದು ಜಂಟಿ.

ಅಲ್ಲಷ್ಟು, ಇಲ್ಲಷ್ಟು, ಇನ್ನಷ್ಟು, ಮತ್ತಷ್ಟು
ಇರುವರು ಎಷ್ಟೆಷ್ಟೋ ಮಂದಿ,
ಆದರೂ ಮನವೇಕೊ
ನಿನ್ನಪ್ಪುಗೆಯಾ ಕ್ಷಣಗಳಾ  ಕನಸಲ್ಲೇ ಬಂಧಿ..!!

ಕಡುವಾ ಕಣ್ಣೋಟ
ಮರೆಯದಾ ತುಂಟಾಟ,
ಹೋಗದಿರು ನೀ ದೂರದೂರ
ಪೋಣಿಸುವೆ ನಿನಗಾಗಿ, ಇದೋ ಈ ಮುತ್ತಿನಾ ಹಾರ.

ನನ್ನೆದೆಯ ಗೂಡಲ್ಲಿ
ಮಲಗಿರು ನೀನೊಂದು ಹಕ್ಕಿಯಂತೆ,
ಜೊತೆಯಲ್ಲಿ ನಾನಿರಲು
ನಿನಗೇತಕೆ ಜಗದ ಚಿಂತೆ?

ಬಾಳಿನ ದಾರಿಯಲಿ
ಬಂದೊದಗೋ ಸುಖ ಘಳಿಗೆ ,
ಜೊತೆಯಲ್ಲಿ ಇನ್ನೇನು ಬೇಕು?
ನೀನಿರಲು, ನನಗಿದೋ ಅಷ್ಟೇ ಸಾಕು ..!!

 
 
ಅಸೀಮಾ ಕನ್ನಡ ಮಾಸಿಕ

ಕನ್ನಡದ ಏಕೈಕ ರಾಷ್ಟ್ರೀಯ ವಿಚಾರಗಳ ಮಾಸಿಕ. ಇಪ್ಪತ್ತು ವರ್ಷಗಳಿಂದ ಪ್ರಕಟಿತ. ರಾಷ್ಟ್ರೀಯ ವಿಚಾರಗಳು ವೈಚಾರಿಕ ನೆಲೆಯಲ್ಲಿ ಚರ್ಚೆಯಾಗಬೇಕೆಂಬ ಉದ್ದೇಶದಿಂದ ಪ್ರತೀ ತಿಂಗಳು ಪ್ರಕಟವಾಗುತ್ತಿವೆ. ಇದುವರೆಗೆ ನಾಡಿನ ಖ್ಯಾತ ಚಿಂತಕರನೇಕರ ಲೇಖನಗಳು "ಅಸೀಮಾ"ದಲ್ಲಿ ಪ್ರಕಟವಾಗಿವೆ. ಸಂಶೋಧನೆ, ವಿಚಾರಕ್ಕೆ ಹಚ್ಚುವ ಬರಹಗಳಿಗೆ ಆದ್ಯತೆ.

ಸಿ.ಎಸ್.ಎಲ್.ಸಿ. CSLC

Centre for the Study of Local Cultures at Kuvempu University

ಭಾವ ಕಿರಣ

Just another WordPress.com weblog

ಬದರಿ ನಾರಾಯಣ ನ ಕಾವ್ಯ ಪ್ರಪಂಚ ... Badari's Poetry ...

ನೋಡಿದ, ಕೇಳಿದ, ಅನುಭವಿಸಿದ, ಆಲೋಚಿಸಿದ, ಅವಲೋಕಿಸಿದ ವಿಷಯವನ್ನು ಕಾವ್ಯ ರೂಪಕ್ಕೆ ತರುವ ನನ್ನ ಪ್ರಯತ್ನ ...

ಮೂರು ಊರಿನ ಸುತ್ತ...

ಶಿಶಿರ ಹೆಗಡೆ

Madannoor

Al-valiyyu shaheed fee sabeel (RA)

ನೆನಪಿನ ಸಂಚಿ

ಕೈ ಹಾಕಿದರೆ ಮುಗಿಯದಷ್ಟು ಬಿಂಬಗಳು…

jamunarani

Just another WordPress.com site

Mangalur News

" ಸತ್ಯ ಮೇವ ಜಯತೇ "

rajendrakumarraikodi

ಕನ್ನಡ ಸಾಹಿತ್ಯ, ಸಂಗೀತ ಮತ್ತು ನಾನು

ನಿಲುಮೆ

ಎಲ್ಲ ತತ್ವದ ಎಲ್ಲೆ ಮೀರಿ...!

Akash's Photo-Blog

A picture is worth a thousand words... A photo blog is both.

ಕಾಲದ ಕನ್ನಡಿ

ಸತತ ಪಾರದರ್ಶಕತೆ

ಒಂದಿಷ್ಟು ಕನಸು

ಜಂಗಮ ಮತ್ತು ಸ್ಥಾವರಗಳ ನಡುವಿನ ಹೊಯ್ದಾಟ: ಮಾತು, ಮೌನ, ಕನವರಿಕೆ ಇದೇ "ಬದುಕು"

ಕುಂದಾಪ್ರ ಕನ್ನಡ

ಕುಂದಗನ್ನಡದ ಅಂದಕ್ಕೊಂದು ಪುಟ್ಟ ತಳಿಕಂಡಿ...

ರಾ ಗ ನೌ ಕೆ

ಎದೆಯಾಳದಿಂದೆದ್ದು ನಭನೀಲಿಗೇರಿದ್ದು..

ನೀಲಾಂಜಲ

ನಾನು, ನೀವು ಮತ್ತು ನನ್ನ ಯೋಚನೆಗಳು

ಕುಂಭಾಶಿ ಹುಡುಗ

ರೆಕ್ಕೆ ಬಿಚ್ಚಿದ ಸಂಭ್ರಮ..!

ಸತ್ಯದ ಅನಾವರಣ ಮತ್ತು ನಿರಂತರ ಹುಡುಕಾಟ

%d bloggers like this: